Almadiaren Egunak Orhipean eta Xabier Agote omenduko ditu bere 31. edizioan, apirilaen 27an, larunbata.

Apirilaren 27an, larunbata, Almadiaren Egunaren 31. edizioa ospatiko da da. Programak, Orhipean antolatzen duen elkarteari eta Xabier Agoteri, Pasaiako Albaola zentroan San Juan baleontzia berreraikitzeaen bultzatzaileari, omenaldiak barnean hartzen ditu Urrezko Almadia emanez.

2024ko Almadiaren Egunak nobedade interesgarriak ekarriko ditu, almadiazainak omentzen dituen jai honetara etortzen direnentzat erakargarriagoa eta osoagoa izan dadin. Iaz UNESCOk “La Maderada – transporte río de la madera” eta kanpaien eskuzko ukitua Gizateriaren Ondare Kultural Ez-material izendatu zituela ospatzeko, Nafarroako Ezkilazainen Elkarteko talde batek Burgiko kanpaiak joko ditu berriz ere, aurten jendearengandik hurbil egongo dira, almadien zain dauden bitartean, eguerdiko 12:30ak aldera.

Aurten, egunak beste bi protagonista handi izango ditu, Urrezko Almadiak jasoko dituztenak: Xabier Agote eta Orhipena Bizibide eta Usadioak Elkartea.

Xabier Agotek, historiara pasatuko den lan baten aitorpen gisa jasoko du 2024ko Urrezko Almadia. Euskal baleontzi bat berreraikitzeko ametsari esker, Zaraitzuko izei handiek Pasaiatik Ternuaraino (Kanada) nabigatuko duen itsasontzi baten belei eutsiko diete.

Orhipean Bizibide eta Usadioak elkarteak saria jasoko du, Otsagabiako eta Zaraitzuko boluntarioek egindako lanaren aintzatespen gisa. Otsagabia eta Zaraitzuko boluntarioek “Orhipean” jaia antolatzen dute 2003az geroztik, Pirinioetako landa-bizitza birsortuz, 1900. urtean bezala.

Almadiaren Eguneko egitaraua Almadiaren Museoaren irekiarekin hasiko da, “Burgi, lanbideen herriaren” pasealukuaren bisita egingo da eta artisau-lanbide eta elikagai txokoekin Erdi Aroko Azoka inauguratuko da, non Erronkari Ibarreko Turismo Bulegoak stand bat izango duen. Hori guztia kanpaien ukituarekin, musika emanaldiekin, dantzekin eta ikuztegien lanbidearen antzezpenaekin girotuko da.

Hilabetetan dozenaka boluntario prestatu dituzten bi almadiak Burgira 12:30etan iritsiko direla aurreikusten da.

13:30etik aurrera, Urrezko Almadiak emango zaizkie Orhipean eta Xabier Agoteri. Erronkari Jatorrizko Deiturako gaztaren 2024. kanpaina Burgiko plazan aurkeztuko da. Urrezko Almadiarekin omendutakoek egingo duten lehen mozketaren ondoren, gazta banatuko da plazan eta musika animazioari jarraituko zaio.

Arratsaldeko egitaraua Burgiko Gazteriak antolatu du eta Food Trucks postuak pasealekuan, herri-bazkaria Barkainea pilotalekuan, Los Tenampas taldearen emanaldia (18:30ean) eta musika DJ Saxix eta Puyix-en (21:00etan) eta DJ Sixto-ren (00:00etan) eskutik egongo dira.

Argazki lehiaketa

Burgira joaten diren pertsona guztiek parte har dezakete Almadiaren Eguna argazki-lehiaketan. Pertsona bakoitzak hainbat argazki bidal ditzake, eta sariak Burgiko Urandi landetxeanasteburu bat, artisau-produktuen loteak eta saritutako argazkien dibond-erreprodukzioak izango dira.

Almadiako Krosaren zortzigarren edizioa

Apirilaren 14an, igandea, Almadiako Krosaren zortzigarren edizioa ospatuko da Burgin. Lasterketak sari bakarra izango du: proba amaitzen duten pertsona guztien artean, Almadiaren Egunean, apirilak 27, Eska ibaian barna jeitsiko diren almadietako batean jaistea zozketatuko da.

Nafarroako Almadiazainen Elkarteak bultzatua, kirolarekin eta naturarekin harmonian elkartasuna sustatzeko. Nafarroako eta ibarreko zenbait erakundek parte hartzen dute proban, bereziki Erronkariko Pirinioak Taldea.

IZEN EMATEAK-HERRI KROSA.