Beste behin ere Almadiaren eguna ospatuko dugu, mendetan zura atera eta urrunera garraiatzeko lanbidearen jardun nekez hartan aritu ziren gizon eta emakumeak omentzen dituen jaia.

Eta hau aurrera eraman daiteke dozenaka boluntarioren eskuzabaltasunari esker. 27 urtez jarraian, Burgik Aezkoa, Zaraitzu eta Erronkaribarko biztanleak, lanbide galduaren baina ez ahaztuaren oinordekoak, elkartuko ditu.

Gure herri txikia, Nafarroako Pirinioetan kokatua, almadien kultur ondarea miresten duten lagunen elkargune bilakatu da, eta izanen da. Ongi etorria eman nahi dizuegu Interes Turistiko Nazionaleko jaia izendapena duen honetara bertaratzen zareten guztioi. Almadiaren eguneko jaiaren ekitaldi nagusia almadien jaitsiera bada ere, ezin dituzu galdu gainerako jarduerak: artisauen azoka, Erronkari Gazta Jatorri Deituraren azokaren irekiera, “Urrezko Almadia” Nafarroako Pilota Federazioari eta Gorka Aginaga sukaldariari emateko ekitaldia, haurrentzako jarduerak, musika emanaldiak, hala nola, Demode Quartet, Kaoba, txarangak eta fanfarreak… Zatoz Almadiaren egunera eta goza ezazu jai paregabe hau!