Gutxinaka-gutxinaka, halabeharrez, almadien usadioaren memoria bizia itzaltzen ari da. Bizilegea da. Baina hori horrela izanik, aldi berean, in extremis bada ere, batzuek lanbide horretaz maisu almadiazainen irakaspenak jaso ahal izan genituen eta haien ondorengo bilakatu ginen. Azken almadiazainen heriotzak utzitako hutsunea haien omenez egiten dugun aitortzak bete du, eta urtez urte sendotzen ari da. Ezin egon belaunaldien arteko txandakatze hoberik!

Beste behin ere, Almadiaren eguna badator eta almadiazainok oraingo honetan ere balioan jarri nahi dugu pertsonen dohain handietako bat, ahalegina, alegia. Gure gizarte eroso honetan dohain hori gero eta gehiago balioesten da. Almadiak eta ahalegina eskutik datoz, ezin dira bereizi.

Lerro hauen bidez, ongi etorria eman nahi dizuegu gure jaira bertaratzen zareten guztioi. Adi egon ibaian gertatuko den guztiari, hori gure-gurea den lanbidearen zuzeneko birsortzea baita; gure nortasun ikurra, gure ondasuna eta aberastasuna izan zena eta badena.

Gozatu gure herriaz eta gure jairako antolatu ditugun jarduera guztiez. Hau da zuen etxea.