Hilabetea: iraila 2017

2017KO ONDAREAREN EUROPAKO JARDUNALDIAK ‘ONDARE ETA NATURA’

2017KO ONDAREAREN EUROPAKO JARDUNALDIAK ‘ONDARE ETA NATURA’ BURGI  Burgiko arroilatik ibiltzea bertan bizi diren animalia eta landare espezieak aztertuz. Bisita amaitzeko Burgiko arroilako begiratokitik hegaztiak ikustea (sai arrea, ugatza, arrano sugezalea, miru gorria, etab.). Burgiko arroila Eska ibaiak, Illon eta Peña mendiek osatutako mendizerra moztuz, kareharrian hondeatutako arroila sakona da. Erronkari Bailarak Aragaoi ibairantz duen irteera naturala da. Aitortutako Erreserba Naturala da hainbat hegazti harrapariren koloniak babesten dituelako, besteak beste, sai arreak, arrano beltzak, sai zuriak eta ugatzak. Bidexka batek Burgiko Arroila zehartzatzen du. Bide horretatik begiratoki txiki batera iristen da; bertatik, inguru horretan bizi diren hegazti ezberdinak ikus daitezke. Distantzia: 3,5 km. Topagunea: Burgiko zubia ALMADIAREN MUSEOA Alamadiaren museo-sala almadiazain eta zurginen ekintza guztiak biltzen dituen prozesuaren erakusketa moduan aurkeztua dago: zuhaitzak saldu edo enkanteetan jartzen zirenetik, errekan barna Katalunia, Aragoi edo Nafarroako Erriberan saltzen zituzten enbor landuak lortu bitartera. DATA ETA ORDUTEGIA Irailak 30, larunbata 16:00etatik Gehienez ere 25 pertsonatako taldea. Gaztelaniaz eta euskaraz Topagunea: Erdi Aroko zubia INFORMAZIOA ETA ERRESERBAK 948 475 256 telefonora deituz edo oit.roncal@navarra.es helbidera e-posta bat idatziz.  ...

Read More

Aezkoako Eguna

Igande honetan, hilak 17, Ariben ospatuko den XL. Aezkoako egunean almadia bat abiatuko da Iratiko uretan behera, eta bertan, Aezkoako almadiazainekin batera, Burgiko beterano batzuk ere arituko dira. Nafarroako Pirinioetako ibarretan -Erronkaribar, Zaraitzu eta Aezkoan-, aspaldiko garaietatik XX. mendearen erdialdera arte basoen aprobetxamendua diru sarrera nagusia izan zen, eta beren ibaiak egurraren garraiobidea izan ziren ondoren egur hori eraldaketa guneetan saltzeko. Nafarroako Almadiazainen kultur elkarteak lanbide honek eskualdeko alderdi ekonomiko, humano, kultural, etnografiko eta folklorikoan izandako garrantzia zabaldu nahi du. Bestalde, Aezkoako Batzarreari eta aetz guztiei eskerrak eman nahi dizkiegu lanbide hau berreskuratzeko erakutsitako interesagatik. Helburu horri begira, guretzat ezinbestekoa da ondoko ibarren konpromisoa. Hori dela eta, Almadiazainen elkarteak Aribera joan eta almadiaren jaitsieraz gozatzera animatu nahi zaituztegu. Igandean Ariben zuen zain izanen gara!      ...

Read More